Setôrs di ativitât
Operazions imobiliârs
Problematichis che a van de semplice compre de cjase di abitazion o de seconde cjase a lis operazions imobiliârs plui complessis, sedi par finalitât di invistiment o imprenditoriâls, a deventin simpri plui delicadis se a son cjapâts dentri sogjets forescj. Operazions che a somein banâls a puedin puartâ a une incressite dal risi di contenziôs che bisugne cence dubi prevignî.
Dirit des sucessions e di famee
Sedi il setôr de famee che chel de sucession, cun di plui di jessi particolarmentri delicât pe part taliane, a àn particolârs aspiets internazionâi cu la difusion di cubiis di nazionalitât difarentis e cu la proprietât di bens imobii ancje al di fûr de proprie nazion di residence abituâl.
Dirit condominiâl e des locazions
Un setôr lassât masse dispès a la improvisazion e che in realtât al presente problematichis profondis che si rifletin diretementri su la cualitât de vite cuotidiane o te pussibilitât di puartâ indevant la proprie ativitât lavorative. Une normative no simpri al pas cui timps di vuê e lis dificoltâts di tornâ a vê la disponibilitât dal propri imobil a la fin de locazion a imponin une valutazion precise e preventive des sieltis e dai ats consecuents.
Contratualistiche
La esigjence di prevignî contenziôs e puarte a vê une atenzion particolâr pe corete redazion dai contrats che a regolin cualsisedi rapuart, ancje jenfri privâts. In gracie di une esperience di plui di vincj agns, il studi al à subit cuistât operativitât soredut te gjestion des tratativis e de redazion contratuâl ancje in forme bilengâl, in particolâr cu la lenghe todescje.
Dirit penâl
Il Studi al furnìs assistence legâl strajudiziâl e judiziâl in materie penâl cun servizis di consulence legâl e assistence in judizi sedi a pro des personis fisichis sedi des personis juridichis ancje cun riferiment a problematichis che a presentin profîi internazionâi, midiant di esperiencis e competencis specifichis dai professioniscj che si ocupin de materie penâl.
Costituzion di imprese
Une vore di imprenditôrs, soredut cuant che a àn chê di operâ intun paîs forest, a vegnin dispès inmagâts di pussibii senaris idiliacs, che a fasin crodi che fâ imprese tal forest al sedi simpri plui facil o almancul plui convenient. In realtât i problemis e i aspiets di cjapâ in considerazions a son cetancj e bisugne analizâju cun grant anticip.
Recupar credits
La ativitât di recupar credits, cussì come chê par otignî il risarciment dai dams di ilecits, e presente carateristichis peculiârs cuant che si trate di inviâ proceduris tal forest o cun titui otignûts in stâts diferents ancje al di fûr de Union europeane. Il studi al è in stât di gjestî in mût diret chestis posizions in Italie e in Austrie e, in gracie di solidis relazions cun altris studis legâi, in Gjermanie e altris zonis de Europe centrâl.
Esecuzions imobiliârs
Il recupar efetîf di un credit al passe dispès pal impegnorament dai bens imobii dal debitôr. Ta chest câs il Studi al da assistence e consulence in dutis lis fasis de procedure.
Il Studi al furnìs la sô ativitât professionâl ancje a cui che al à intenzion di comprâ imobil a la aste, e al assist il client de partecipazion a la vendite cun o cence incjant, fin al trasferiment di proprietât, cun ducj i relatîfs aspiets consecuenziâi.
Cun di plui, si da assistence ai debitôrs esecutâts, ancje mediant lis ativitâts di tratative cui creditôrs e, se a son lis cundizions, cun azions di oposizion a la esecuzion e/o ai ats esecutîfs.